အခွန်ဆိုင်ရာ ဝန်ဆောင်မှုများ (Taxation Service)

ကျွန်ုပ်တို့အနေဖြင့် အခွန်ဆိုင်ရာ ဝန်ဆောင်မှုများကို အောက်ပါရွေးချယ်စရာ (Options) များအတိုင်း ဆောင်ရွက်ပေးနေပါသည် –

• ရွေးချယ်စရာ (၁) – အခွန်တွက်ချက်ရန် လိုအပ်သော စာရွက်စာတမ်းများကို လူကြီးမင်းတို့၏ ရုံးခန်းအရောက် လာရောက်ယူဆောင်ပေးခြင်း။ ကျွန်ုပ်တို့ဘက်မှ စာရွက်စာတမ်း လာယူမည့်သူ ကို စေလွှတ်၍ စာရွက်စာတမ်းများကို လာရောက်ယူဆောင်ကာ ကျွန်ုပ်တို့ရုံးတွင် အခွန်တွက်ချက်ခြင်း၊ အခွန်ပုံစံများ ပြင်ဆင်ခြင်းနှင့် အခွန်ဦးစီးဌာန (Revenue Department) သို့ ပေးပို့တင်ပြခြင်းများကို ဆောင်ရွက်ပေးပါမည်။

• ရွေးချယ်စရာ (၂) – ကျွန်ုပ်တို့၏ ဝန်ထမ်းများကို လူကြီးမင်းတို့၏ ရုံးခန်းသို့ စေလွှတ်၍ စာရွက်စာတမ်းများကို စစ်ဆေးခြင်း၊ အခွန်တွက်ချက်ခြင်း၊ အခွန်ပုံစံများ ပြင်ဆင်ခြင်းနှင့် အခွန်ဦးစီးဌာနသို့ ပေးပို့တင်ပြခြင်းများကို ဆောင်ရွက်ပေးပါမည်။

• ရွေးချယ်စရာ (၃) – လုပ်ငန်းလည်ပတ်မှု ယာယီရပ်ဆိုင်းထားသော ကုမ္ပဏီများ (Dormant Companies) သို့မဟုတ် ထိုင်းနိုင်ငံတွင် ဝန်ထမ်းမရှိသော ကုမ္ပဏီများအတွက် အခွန်နှစ်ဝက် (Half Year Tax) ဆိုင်ရာ ဝန်ဆောင်မှု။ အခွန်တွက်ချက်ခြင်း၊ အခွန်ပုံစံများ ပြင်ဆင်ခြင်းနှင့် အခွန်ဦးစီးဌာနသို့ ပေးပို့တင်ပြခြင်း စသည့် အကူအညီများကို ပံ့ပိုးပေးပါမည်။

• ရွေးချယ်စရာ (၄) – လုပ်ငန်းလည်ပတ်မှု ယာယီရပ်ဆိုင်းထားသော ကုမ္ပဏီများ သို့မဟုတ် ထိုင်းနိုင်ငံတွင် ဝန်ထမ်းမရှိသော ကုမ္ပဏီများအတွက် နှစ်ပတ်လည် အခွန် – ကော်ပိုရိတ်ဝင်ငွေခွန် (Yearly Tax – Corporate Income Tax) ဆိုင်ရာ ဝန်ဆောင်မှု။ အခွန်တွက်ချက်ခြင်း၊ အခွန်ပုံစံများ ပြင်ဆင်ခြင်းနှင့် အခွန်ဦးစီးဌာနသို့ ပေးပို့တင်ပြခြင်း စသည့် အကူအညီများကို ပံ့ပိုးပေးပါမည်။ (ယေဘုယျအားဖြင့် ကျွန်ုပ်တို့၏ နှစ်ပတ်လည်စာရင်းစစ် ဝန်ဆောင်မှုတွင် နှစ်ပတ်လည်အခွန် ပြင်ဆင်ခြင်းနှင့် တင်သွင်းခြင်း လုပ်ငန်းစဉ်များ တစ်ပါတည်း ပါဝင်ပြီးဖြစ်ပါသည်။)

• ရွေးချယ်စရာ (၅) – အခွန်ဦးစီးဌာနသို့ မတင်သွင်းမီ အခွန်စာရင်းများကို ပြန်လည်စစ်ဆေးပေးခြင်း။ အခွန်ပမာဏကို လူကြီးမင်းတို့၏ ဝန်ထမ်းများက ကိုယ်တိုင်တွက်ချက်ထားခြင်းဖြစ်ပါက အခွန်ဦးစီးဌာနသို့ မှန်ကန်သော အခွန်ပမာဏ တင်သွင်းနိုင်ရန်အတွက် ပြန်လည်စစ်ဆေးရာတွင် ကူညီပေးပါမည်။

• ရွေးချယ်စရာ (၆) – အခွန်ပြန်အမ်းငွေ (Tax Refund) မလျှောက်ထားမီ အခွန်ဆိုင်ရာ ဆန်းစစ်အကဲဖြတ်ပေးခြင်း။ အခွန်ဦးစီးဌာနသို့ အခွန်ပြန်အမ်းငွေတောင်းခံလွှာပုံစံ မတင်သွင်းမီ စာရွက်စာတမ်းများကို စစ်ဆေးခြင်း၊ ပြန်လည်သုံးသပ်ခြင်းနှင့် အခွန်ပြန်လည်တွက်ချက်ခြင်း လုပ်ငန်းစဉ်များတွင် ကူညီဆောင်ရွက်ပေးပါမည်။

• ရွေးချယ်စရာ (၇) – အခွန်ဆိုင်ရာ အငြင်းပွားမှုများ သို့မဟုတ် စွပ်စွဲချက်များနှင့် ပတ်သက်၍ လူကြီးမင်းတို့နှင့် ပြင်ပအဖွဲ့အစည်းများအကြား ကိုယ်စားလှယ်/အကျိုးဆောင် အဖြစ် ဆောင်ရွက်ပေးခြင်း။

• ရွေးချယ်စရာ (၈) – အခွန်ဦးစီးဌာန အရာရှိမှ တောင်းဆိုလာသည့်အခါ ကုမ္ပဏီ၏ ကိုယ်စားလှယ် အဖြစ် ဆောင်ရွက်ပေးခြင်း။ ၎င်းတွင် လူကြီးမင်းတို့ ကုမ္ပဏီ၏ အခွန်ဆိုင်ရာ ကိစ္စရပ်များနှင့် ပတ်သက်၍ အခွန်အရာရှိနှင့် တွေ့ဆုံဆွေးနွေးခြင်းများ ပါဝင်ပါသည်။

• ရွေးချယ်စရာ (၉) – အခွန်ဆန်းစစ်ချက် ထွက်ပေါ်လာပြီးနောက် ကျသင့်မည့် အခွန်ပမာဏနှင့် ပတ်သက်၍ အခွန်အရာရှိနှင့် ညှိနှိုင်းဆွေးနွေးပေးခြင်း။

• ရွေးချယ်စရာ (၁၀) – အခွန်ဆိုင်ရာ အကြံပေးခြင်း။ အခွန်ဦးစီးဌာနမှ ပြဋ္ဌာန်းထားသော အခွန်ဥပဒေ (Revenue Code) နှင့်အညီ အခွန်ဆိုင်ရာ ဆွေးနွေးအကြံပေးမှုများကို ပံ့ပိုးပေးပါမည်။

• ရွေးချယ်စရာ (၁၁) – အခွန်ဆိုင်ရာ စီမံကိန်းချခြင်း။ အခွန်ဆိုင်ရာ စီမံကိန်းရေးဆွဲခြင်းနှင့် ခန့်မှန်းတွက်ချက်မှုများ ပြုလုပ်ရာတွင် ကူညီဆောင်ရွက်ပေးပါမည်။

အခွန်စနစ် (Taxation) ဆိုသည်မှာ နိုင်ငံတော်၏ ဘဏ္ဍာရေးဆိုင်ရာ ကိစ္စရပ်များကို ပံ့ပိုးပေးနိုင်ရန်အတွက် အစိုးရမှ ငွေကြေးကောက်ခံသော စနစ်တစ်ခု ဖြစ်ပါသည်။ အစိုးရတိုင်းသည် ပြည်သူလူထု သို့မဟုတ် တရားဝင်ဖွဲ့စည်းထားသော လုပ်ငန်းအဖွဲ့အစည်းများထံမှ အခွန်ငွေများ ပေးဆောင်ရန် တောင်းဆိုကြရသည်။ ထိုရရှိလာသော အခွန်ငွေများကို အစိုးရဝန်ထမ်းများအား လစာပေးရန်၊ အစိုးရ၏ အခြေခံအဆောက်အအုံများ တည်ဆောက်ရန်၊ ပြည်သူ့ကျောင်းများနှင့် ဆေးရုံများ တည်ဆောက်ရန်၊ ဆင်းရဲနွမ်းပါးသူများနှင့် သက်ကြီးရွယ်အိုများအတွက် ရိက္ခာနှင့် ဆေးဝါးစောင့်ရှောက်မှု ပံ့ပိုးပေးရန်နှင့် အခြားအစိုးရဆိုင်ရာ လုပ်ငန်းကိစ္စရပ်များတွင် အသုံးပြုပါသည်။ အစိုးရတစ်ရပ်သည် ယင်း၏လုပ်ငန်းဆောင်တာများကို ပံ့ပိုးပေးမည့် အခွန်ငွေများမရှိပါက ရေရှည်ရပ်တည်နိုင်မည် မဟုတ်သောကြောင့် အခွန်စနစ်သည် အလွန်အရေးကြီးပါသည်။

အခွန်စနစ်သည် အစိုးရဝင်ငွေ၏ အဓိက အရင်းအမြစ် ဖြစ်သည်။ ကောက်ခံရရှိသော အခွန်ငွေ အမြောက်အမြားသည် ဘဏ္ဍာရေးဝန်ကြီးဌာနအောက်ရှိ အဓိကအေဂျင်စီ (၃) ခုထံမှ လာခြင်းဖြစ်ပြီး၊ ၎င်းတို့မှာ –
၁။ အခွန်ဦးစီးဌာန (The Revenue Department)
၂။ ယစ်မျိုးအခွန်ဌာန (The Excise Department)
၃။ အကောက်ခွန်ဌာန (The Customs Department)

ဤဌာနကြီး (၃) ခုသည် အစိုးရဝင်ငွေ စုစုပေါင်း၏ ၈၅ ရာခိုင်နှုန်းမှ ၉၀ ရာခိုင်နှုန်းခန့်အထိ ပံ့ပိုးပေးလျက်ရှိသည်။ အထူးသဖြင့် အခွန်ဦးစီးဌာန (The Revenue Department) တစ်ခုတည်းကပင် အခွန်ကောက်ခံရရှိမှု စုစုပေါင်း၏ ထက်ဝက်ကျော်ကို ကောက်ခံပေးနေခြင်း ဖြစ်သည်။ ထို့အပြင် အခွန်ဦးစီးဌာနသည် အခွန်ကောက်ခံရုံတင်မကဘဲ အခွန်စီမံခန့်ခွဲမှု လုပ်ငန်းစဉ်များအားလုံးကို အစိုးရ၏ မူဝါဒများနှင့်အညီ အကောင်အထည်ဖော် ဆောင်ရွက်ရန် တာဝန်ရှိပါသည်။

ထိုင်းနိုင်ငံတွင် စီးပွားရေးလုပ်ငန်း ပုံစက်အမျိုးမျိုး ရှိကြသည်။ လုပ်ငန်းအမျိုးအစား ပေါ်မူတည်၍ တစ်ဦးချင်း သို့မဟုတ် လုပ်ငန်းအဖွဲ့အစည်းများ၏ အခွန်နှုန်းထားများနှင့် အခွန်ဆိုင်ရာ အကျိုးခံစားခွင့်များ ကွာခြားမှု ရှိနိုင်ပါသည်။ ယေဘုယျအားဖြင့် ထိုင်းနိုင်ငံတွင် အတွေ့ရအများဆုံး လုပ်ငန်းအမျိုးအစားများမှာ ထိုင်းကုမ္ပဏီ (Thai Company) နှင့် နိုင်ငံခြားကုမ္ပဏီ (Foreign Company) တို့ ဖြစ်ကြသည်။

• ထိုင်းကုမ္ပဏီ – ထိုင်းနိုင်ငံ ဥပဒေအောက်တွင် မှတ်ပုံတင်ထားသော ကုမ္ပဏီ ဖြစ်သည်။

• နိုင်ငံခြားကုမ္ပဏီ – နိုင်ငံခြားဥပဒေအောက်တွင် မှတ်ပုံတင်ထားသော်လည်း ထိုင်းနိုင်ငံတွင် လာရောက်လုပ်ကိုင်နေသော ကုမ္ပဏီ သို့မဟုတ် ထိုင်းနိုင်ငံတွင် လုပ်ငန်းလာရောက်မလုပ်ကိုင်သော်လည်း ထိုင်းနိုင်ငံမှတစ်ဆင့် ဝင်ငွေရရှိနေသော ကုမ္ပဏီမျိုး ဖြစ်နိုင်သည်။

ထိုင်းနိုင်ငံ၏ ရှုပ်ထွေးလှသော အခွန်စနစ်နှင့် ပတ်သက်၍ အကူအညီကို ရယူလိုသော ပြည်တွင်းပြည်ပ Client များအတွက် Panwa Group မှ အခွန်ဆိုင်ရာ ဝန်ဆောင်မှုများကို ပံ့ပိုးပေးလျက် ရှိပါသည်။ ကျွန်ုပ်တို့အနေဖြင့် လုပ်ငန်းအပေါ် စနစ်တကျ ခွဲခြမ်းစိတ်ဖြာ ဆန်းစစ်ပေးခြင်းအားဖြင့် လူကြီးမင်းတို့အနေဖြင့် အခွန်ဆိုင်ရာ စိုးရိမ်ပူပန်မှုအားလုံးကို နားလည်သဘောပေါက်စေရန် ကူညီပေးနိုင်မည့်အပြင်၊ အခွန်ဆိုင်ရာ စီမံကိန်းစနစ်တကျ ရေးဆွဲခြင်း (Tax Planning) အားဖြင့် မိမိတို့၏ အခွန်ပေးဆောင်ရမည့် တာဝန်ဝတ္တရားများကို အနည်းဆုံးဖြစ်အောင် လျှော့ချပြီး အခွန်ငွေ သက်သာနည်းကို လမ်းညွှန်ပြသပေးသွားမည် ဖြစ်သည်။

ကျွန်ုပ်တို့၏ အခွန်ဆိုင်ရာ ဝန်ဆောင်မှုများတွင် အောက်ပါတို့ ပါဝင်ပါသည် –

• တစ်ဦးချင်းဝင်ငွေခွန် (Personal Income Tax)

• ကော်ပိုရိတ်ဝင်ငွေခွန် (Corporate Income Tax)

• တန်ဖိုးမြှင့်အခွန် – ဗတ် (VAT)

• ကြိုတင်နုတ်သိမ်းအခွန် (Withholding Tax)

• သီးခြားစီးပွားရေးလုပ်ငန်းခွန် (Specific Business Tax – SBT)

ထိုင်းနိုင်ငံတော်၏ အခွန်စနစ်အနှစ်ချုပ် (An overview of Tax in the Kingdom of Thailand)

ထိုင်းနိုင်ငံ၏ အခွန်စနစ်သည် မရင်းနှီးသေးသူများအတွက် တွက်ချက်ပုံနှင့် တာဝန်ဝတ္တရားများ အလွန်ရှုပ်ထွေးနိုင်ပါသည်။ အောက်ပါတို့မှာ ထိုင်းနိုင်ငံ၏ အဓိကအခွန်အမျိုးအစားများ ဖြစ်ကြသည် –

၁။ တစ်ဦးချင်းဝင်ငွေခွန် (Personal Income Tax – PIT)

တစ်ဦးချင်းဝင်ငွေခွန်သည် လူပုဂ္ဂိုလ်တစ်ဦးချင်းစီ၏ ဝင်ငွေအပေါ် တိုက်ရိုက်ကောက်ခံသည့် အခွန်ဖြစ်ပါသည်။ “လူပုဂ္ဂိုလ်” ဟုဆိုရာတွင် တစ်ဦးချင်းစီ၊ သာမန်အစုစပ်လုပ်ငန်းများ၊ တရားဝင်ဖွဲ့စည်းထားခြင်းမရှိသော လူပုဂ္ဂိုလ်စုများ၊ ကွယ်လွန်သူများနှင့် ခွဲဝေခြင်းမပြုရသေးသော အမွေပစ္စည်းများ ပါဝင်သည်။

• စည်းကြပ်မှုပုံစံ – အခွန်ထမ်းဆောင်ရန် တာဝန်ရှိသူသည် ပြက္ခဒိန်နှစ် (Calendar Year) အလိုက် မိမိ၏ အခွန်ပမာဏကို တွက်ချက်ပြီး အခွန်ကြေညာလွှာ တင်သွင်းပေးဆောင်ရပါမည်။

• နေထိုင်သူ သတ်မှတ်ချက် – အကယ်၍ လူကြီးမင်းတို့သည် ထိုင်းနိုင်ငံအတွင်း တစ်နှစ်လျှင် စုစုပေါင်း ၁၈၀ ရက် သို့မဟုတ် ထိုထက်ပို၍ နေထိုင်ခဲ့လျှင် ၎င်းအခွန်နှစ်အတွက် ထိုင်းနိုင်ငံတွင် အခွန်ဆောင်ရန် တာဝန်ရှိသူ (Resident) ဟု သတ်မှတ်ခံရပါမည်။

• အခွန်နှုန်းထား – တစ်ဦးချင်းစီနှင့် သာမန်အစုစပ်လုပ်ငန်းများအတွက် အခွန်နှုန်းထားမှာ အသားတင်ဝင်ငွေအပေါ် မူတည်၍ ၅% မှ ၃၇% အထိ အဆင့်ဆင့် တိုးမြှင့်ကောက်ခံသည့် စနစ် (Graduated Rate) ဖြစ်သည်။ ဝင်ငွေထဲမှ ဥပဒေအရ ခွင့်ပြုထားသော ကုန်ကျစရိတ်များနှင့် သက်သာခွင့်များကို နုတ်ပယ်ပြီးမှ အခွန်တွက်ချက်ရခြင်း ဖြစ်သည်။

၂။ ကော်ပိုရိတ်ဝင်ငွေခွန် (Corporate Income Tax – CIT)

ကော်ပိုရိတ်ဝင်ငွေခွန်သည် ထိုင်းဥပဒေ သို့မဟုတ် နိုင်ငံခြားဥပဒေအရ ဖွဲ့စည်းထားပြီး ထိုင်းနိုင်ငံတွင် စီးပွားရေးလုပ်ကိုင်နေသော သို့မဟုတ် ထိုင်းနိုင်ငံမှ ဝင်ငွေရရှိနေသော ကုမ္ပဏီများနှင့် မှတ်ပုံတင်ထားသည့် အစုစပ်လုပ်ငန်းများအပေါ် တိုက်ရိုက်ကောက်ခံသည့် အခွန်ဖြစ်ပါသည်။

• စည်းကြပ်မှုပုံစံ – အခွန်နှစ်အတွင်း လုပ်ငန်း၏ အသားတင်အမြတ် (Net Profits) အပေါ်တွင် ကောက်ခံခြင်း ဖြစ်ပြီး၊ ဥပဒေအရ ခွင့်ပြုထားသော တန်ဖိုးလျော့တွက်ချက်မှု (Depreciation) နှင့် ကုန်ကျစရိတ်များကို နှုတ်ပယ်ခွင့်ရှိသည်။ နိုင်ငံခြားကုမ္ပဏီများသည်လည်း ထိုင်းနိုင်ငံမှ ရရှိသော ဝင်ငွေများအတွက် အခွန်ဆောင်ရန် တာဝန်ရှိသည်။

• အခွန်နှုန်းထား – ပုံမှန်ကော်ပိုရိတ် အခွန်နှုန်းထားမှာ အသားတင်အမြတ်၏ ၃၀% ဖြစ်သည်။

• ပေးဆောင်ရမည့် အဆင့် (၂) ဆင့် –

  1. အခွန်နှစ်ဝက် ကြေညာလွှာ (Interim Tax) – စာရင်းကိုင်နှစ်၏ ပထမ (၆) လကုန်ဆုံးပြီး (၂) လအတွင်း ကြားဖြတ်စာရင်းများနှင့်အတူ တင်သွင်းရမည်ဖြစ်ပြီး၊ ခန့်မှန်းခြေကျသင့်မည့် အခွန်စုစုပေါင်း၏ ၅၀% ကို ပေးဆောင်ရပါမည်။

  2. နှစ်ပတ်လည် အခွန်ကြေညာလွှာ (Year-end Tax) – စာရင်းကိုင်နှစ် ကုန်ဆုံးပြီး ရက်ပေါင်း ၁၅၀ အတွင်း နောက်ဆုံးစာရင်းများနှင့်အတူ တင်သွင်းရမည်ဖြစ်ပြီး၊ ယခင် (၆) လပတ်က ပေးဆောင်ခဲ့သော အခွန်ကို နုတ်ပယ်ကာ ကျန်ရှိသော အခွန်ပမာဏကို အပြီးသတ် ပေးဆောင်ရပါမည်။

၃။ တန်ဖိုးမြှင့်အခွန် (Value Added Tax – VAT)

ထိုင်းနိုင်ငံသည် ၁၉၉၂ ခုနှစ်မှစတင်၍ ယခင်စီးပွားရေးလုပ်ငန်းခွန် (Business Tax) အစား တန်ဖိုးမြှင့်အခွန် (VAT) ကို အသုံးပြုခဲ့သည်။ VAT သည် ကုန်ထုတ်လုပ်မှုနှင့် ဖြန့်ဖြူးမှု အဆင့်တိုင်းတွင် တိုးလာသည့် တန်ဖိုးအပေါ် ကောက်ခံသည့် သွယ်ဝိုက်အခွန် ဖြစ်သည်။ VAT မှတ်ပုံတင်ထားသော လုပ်ငန်းများမှ ဝန်ဆောင်မှုပေးခြင်း သို့မဟုတ် ကုန်စည်ရောင်းချခြင်းများတွင် ယင်းအခွန် ကျသင့်မည်ဖြစ်သည်။

• အခွန်နှုန်းထား – ထိုင်းနိုင်ငံ၏ ပုံမှန် VAT နှုန်းထားမှာ ၁၀% ဖြစ်သော်လည်း လက်ရှိတွင် ၇% သို့ ယာယီလျှော့ချပေးထားပါသည်။

• တင်သွင်းရမည့်ကာလ – VAT အစီရင်ခံစာကို လစဉ် တင်သွင်းရမည့်အပြင်၊ ကျသင့်သည့် VAT အခွန်ငွေကို နောက်လ ၁၅ ရက်နေ့ထက် နောက်မကျဘဲ ပေးဆောင်ရပါမည်။

၄။ ကြိုတင်နုတ်သိမ်းအခွန် (Withholding Tax)

ကုမ္ပဏီများသို့ ပေးချေသည့် အချို့သော ဝင်ငွေအမျိုးအစားများသည် ငွေပေးချေသည့် အရင်းအမြစ်ကပင် အခွန်ကို ကြိုတင်နုတ်ယူထားရသည့် စနစ်ဖြစ်သည်။

• စည်းကြပ်မှုပုံစံ – ငွေပေးချေသူသည် အခွန်နုတ်ယူရန် တာဝန်ရှိပြီး၊ ငွေပေးချေသည့် လာမည့်လ၏ (၇) ရက်နေ့ထက် နောက်မကျဘဲ သက်ဆိုင်ရာ ခရိုင်အခွန်ရုံးသို့ (Form CIT 53) ဖြင့် တင်သွင်းရပါမည်။ ထိုသို့ ကြိုတင်နုတ်ယူခြင်း ခံရသည့် အခွန်ပမာဏကို မိမိတို့၏ နောက်ဆုံးကျသင့်မည့် အခွန်စာရင်းတွင် ပြန်လည်နုတ်ပယ်ခွင့် (Credit) ရရှိမည် ဖြစ်သည်။

• ဥပဒေအရ နုတ်ယူရမည့် ဥပမာများ – အလုပ်ရှင်သည် ဝန်ထမ်းများ၏ လစာမှ အခွန်ကို လစဉ် ကြိုတင်နုတ်ယူ၍ အခွန်ဦးစီးဌာနသို့ ပေးသွင်းရသည်။ ထို့အပြင် အတိုး၊ အိမ်ငှားခ သို့မဟုတ် ဝန်ဆောင်မှုစရိတ်များ ပေးချေရာတွင်လည်း ဤအခွန် ကျသင့်သည်။ ဥပမာ – ထိုင်းကုမ္ပဏီတစ်ခုမှ အခြားထိုင်းကုမ္ပဏီတစ်ခုသို့ ဝန်ဆောင်မှုအတွက် ငွေပေးချေသည့်အခါ Invoice တန်ဖိုး၏ ၃% ကို ကြိုတင်နုတ်ယူပြီး အခွန်ဦးစီးဌာနသို့ ပေးဆောင်ရမည် ဖြစ်သည်။ ငွေရရှိသည့်ကုမ္ပဏီသည် ထို ၃% အတွက် အခွန်ခရက်ဒစ် (Tax Credit) ရရှိမည် ဖြစ်သည်။

၅။ သီးခြားစီးပွားရေးလုပ်ငန်းခွန် (Specific Business Tax – SBT)

သီးခြားစီးပွားရေးလုပ်ငန်းခွန် (SBT) သည်လည်း စီးပွားရေးလုပ်ငန်းခွန် (Business Tax) အစား ၁၉၉၂ ခုနှစ်တွင် စတင်မိတ်ဆက်ခဲ့သော သွယ်ဝိုက်အခွန်တစ်ခု ဖြစ်သည်။ VAT ကောက်ခံခြင်းမှ ကင်းလွတ်ခွင့်ပြုထားသော အချို့သော လုပ်ငန်းများသည် ၎င်းအစား SBT ကို ပေးဆောင်ရမည် ဖြစ်သည်။

• ကျသင့်သည့် လုပ်ငန်းများ – ဘဏ်လုပ်ငန်းများ၊ အပေါင်ဆိုင်လုပ်ငန်းများနှင့် မြေကွက်အရောင်းအဝယ် ပြုလုပ်ခြင်း စသည့် လုပ်ငန်းများတွင် SBT အခွန် ကျသင့်ပါမည်။

၆။ တံဆိပ်ခေါင်းခွန် (Stamp Duty)

တံဆိပ်ခေါင်းခွန်သည် အရောင်းအဝယ် ဖြစ်စဉ် သို့မဟုတ် လူပုဂ္ဂိုလ်များအပေါ် ကောက်ခံခြင်းမဟုတ်ဘဲ အခွန်ကုဒ်ဥပဒေ (Revenue Code) အရ အခွန်ဆောင်ရန် သတ်မှတ်ထားသော စာချုပ်စာတမ်း သို့မဟုတ် စာရွက်စာတမ်းများ (Instruments) အပေါ်တွင်သာ ကောက်ခံသည့် အခွန်ဖြစ်ပါသည်။

လူကြီးမင်းတို့၏ အခွန်ဆိုင်ရာ လိုအပ်ချက်များအတွက် စနစ်တကျ ဆန်းစစ်အကဲဖြတ်ပေးခြင်းနှင့် အကူအညီများ ပံ့ပိုးပေးနိုင်ရန် Panwa Group သို့ အချိန်မရွေး ဆက်သွယ်မေးမြန်းနိုင်ပါတယ်ခင်ဗျာ။

အသေးစိတ်အချက်အလက်များကို သိရှိလိုပါက ကျွန်ုပ်တို့ထံ ဆက်သွယ်နိုင်ပါသည်။

• ဖုန်းနံပါတ်: +66 2 933 9000

• အီးမေးလ်: bkk@panwa.co.th (Mr.Tana Sipa, ဒါရိုက်တာ)

• WhatsApp: +66 81.919.6225

• LineApp ID: @panwa

ရုံးခန်းလိပ်စာ: 1560 Latphrao Rd., Wangthonglang, Bangkok 10310, Thailand.

မြေပုံတည်နေရာ: https://goo.gl/maps/MhJsbjkPrji51Qyt6

Sky train: Yellow Line ၊ Chokchai 4 ဘူတာ၊ Gate 4 (ထွက်ပေါက် ၄)။ ကျွန်ုပ်တို့၏ရုံးခန်းသည် Soi Latphrao 50 နှင့် 52 ကြားတွင် တည်ရှိပါသည်။